ភ្នំពេញ៖ នាយករដ្ឋមន្ត្រី លោក លី ឃឺឈាង បានចាប់ផ្ដើមដំណើរទស្សនកិច្ចផ្លូវការរបស់លោកនៅកម្ពុជាហើយនៅថ្ងៃទី៩ ខែវិច្ឆិកា ឆ្នាំ២០២២។ លោក លី បានធ្វើដំណើរមកដល់កម្ពុជាកាលពីយប់ថ្ងៃទី៨ ខែវិច្ឆិកា ម្សិលមិញ តាមការអញ្ជើញរបស់នាយករដ្ឋមន្ត្រីកម្ពុជា សម្ដេចតេជោ ហ៊ុន សែន។
នារសៀលថ្ងៃទី៩ ខែវិច្ឆិកា នេះលោក លី ឃឺឈាង បានធ្វើដំណើរទៅដាក់កម្រងផ្កានៅវិមានឯករាជ្យ និងចូលទៅគោរពវិញ្ញាណក្ខន្តព្រះបរមរតនកោដ្ឋនៅរូបសំណាក់ព្រះអង្គផងដែរនៅរាជធានីភ្នំពេញ មុននឹងធ្វើដំណើរមកជួបនាយករដ្ឋមន្ត្រីកម្ពុជា សម្ដេចតេជោ ហ៊ុន សែន នាវិមានសន្ដិភាព។
នៅវិមានសន្ដិភាពលោក លី ត្រូវបានទទួលស្វាគមន៍យ៉ាងកក់ក្ដៅពីសំណាក់សម្ដេចតេជោ ហ៊ុន សែន មុននឹងមានជំនួបផ្លូវការមួយនៅទីនោះ ខណៈកិច្ចព្រមព្រៀងជិត២០ អាចនឹងត្រូវចុះហត្ថលេខារវាងភាគីទាំងពីរផងដែរ។
ក្នុងដំណើរទស្សនកិច្ចលើកនេះសម្ដេចតេជោ ហ៊ុន សែន និងលោក លី ឃឺឈាង និងធ្វើជាអធិបតីរួមគ្នាក្នុងពីធីសម្ពោធដាក់ឱ្យប្រើប្រាស់ជាផ្លូវការនូវផ្លូវល្បឿនលឿនភ្នំពេញ ខេត្តព្រះសីហនុ ផងដែរ៕